zorro

الفن والسينما
 
الرئيسيةالتسجيلدخول

شاطر
 

 {* & * ملــ Romanza ــف الكااامل للعنايــ بالــقــدمــين

اذهب الى الأسفل 
كاتب الموضوعرسالة
emy
امبراطورة المنتدى
امبراطورة المنتدى
emy

عدد الرسائل : 3623
العمر : 33
تاريخ التسجيل : 12/05/2007

{* & * ملــ Romanza ــف الكااامل للعنايــ بالــقــدمــين Empty
مُساهمةموضوع: {* & * ملــ Romanza ــف الكااامل للعنايــ بالــقــدمــين   {* & * ملــ Romanza ــف الكااامل للعنايــ بالــقــدمــين Emptyالثلاثاء ديسمبر 04, 2007 8:55 pm


السلام عليكم ورحمة الله وبركاته

ازيكوا يا بنات المنتدى عاملين ايه؟؟

أتمنى تكونوا بخير

النهاردة انا جايبالكوا موضوع يفيد كل بنت
وهو كيفية العناية بالقدمين في المنزل


انا كنت عايزة أعمل عناية للقدمين عندي وأعدت أعمل سيرش

فلقيت معلومات جميلة جدا جدا وحبيت انكوا تشاركوني المعلومات دي

الأول طبعا كلنا عارفين أو لازم نعرف
ان القدمين هما مركز لأعصاب كتير في الجسم

عشان كده راحة القدمين برضه بتيرح الأعصاب دي

يعني مش لازم أبدا اننا نهمل القدمين خاصة انهم جزء مهم في العناية بالجسم

يعني مش حلو لما تكون بنت أمورة وحلوة كده والقدمين عندها فيهم مشاكل

لازم تهتمي بيهم ومش تسيبيهم

ومافيش حاجة ملهاش حل

القدمين بالذات أكتر حاجة بتتمر فيها العناية {* & * ملــ Romanza ــف الكااامل للعنايــ بالــقــدمــين Jap

يعني تديها عناية تلاقي النتيجة من أول يوم هتشوفي الفرق
حتى لو عملتي حمام ميا دافي بس من غير إضافات

ودلوقتي هبدأ معاكوا ان شاء الله الخطوات البسيطة للعناية

والخطوات المتقدمة منها


{* & * ملــ Romanza ــف الكااامل للعنايــ بالــقــدمــين Bsmjp9


أولا النصائح البسيطة أو العادية

- الكعب العالي حاولي تتجنبيه بقدر الإمكان
لأنه مضر بالقدم والظهر أيضا
ولو اضطريتي تلبسيه اعملي حمام ماء دافي لما ترجعي مع التدليك

- كمان الأحذية الضيقة غلط على القدمين حاولي تتجنبيها
وبرضه لو اضطريتي يبقى تعملي الحمام الدافي ليها بالملح

- غير كده وانتي خارجة لو بتلبسي جوارب أو أحذية مقفولة
يفضل وضع البودرة الخاصة بالقدمين
عشان منع الرائحة وكمان منع انتشار فطريات القدم
واللي ممكن لو تطورت تكون لها آثار سلبية سيئة جدا على القدمين
ويفضل انك تلبسي جوارب ألياف طبيعية زي القطن مش ألياف صناعية
لأن القطن بيساعد على التهوية وبيمتص العرق
وبالتالي ما تنتشرش البكتريا في القدمين من العرق


- لما تيجي تقصي الأظافر

يفضل عدم قصها أو تقليمها من الطرفين بعمق
لأن ده بيخليها لما تطول تاني ممكن تدخل في الجلد وتسبب ألم

عشان كده يفضل انك تقصيها بشكل مستقيم متساوي

وغير كده لا يفضل قص الأظافر وهي مبللة لأن ده بيأدي لتكسيرها أو تقصيفها

- إذا شعرتي بالحكة في القدمين إوعي تستسلمي للشعور ده
لأن ممكن يسبب انتشار أسرع للفطريات
لذلك قومي بغسل القدمين وتجفيفهما جيدا
ثم ضعي كمادات ثلج أو ماء بارد حتى تشعري باختفاء هذا الشعور

- يفضل من فترة لأخرى تعملي تدليك للقدمين عن طريق بكرة أو كرة

كما هو موضح بالصورة بحيث ان القدم كلها تتدلك مش منطقة معينة



{* & * ملــ Romanza ــف الكااامل للعنايــ بالــقــدمــين Feet1lv9


الطريقة دي بتنشط الأوعية والدورة الدموية في القدم
وكمان بتساعد على راحتها جدااا

ثانيا نيجي بقى للخطوات المتقدمة


حمام القدمين وأنواعه



{* & * ملــ Romanza ــف الكااامل للعنايــ بالــقــدمــين Feet2gt9



حمام القدمين بيكون عبارة عن ماء دافئ يضاف إليه مكونات معينة

المكونات دي بتختلف حسب نوع الحاجة لاستخدامها

ولكن بتحتاجي لعمل الحمام أدوات معينة الأول وهي
- الإناء اللي هتعملي فيه الحمام ده
- منشفة عشان تجففي القدمين كويس بعد الشطف
- مبرد خاص بالقدمين أو ورق رملي للصنفرة
والتخلص من الجلد الميت بعد الحمام
- مكونات الحمام حسب اختيارك من أنواع الحمامات القادمة
- حجر أو ليفة خاصة بالقدم
- فرشاة خاصة بالقدم
- كريم مرطب لوضعه بعد الحمام (كاموميل أو جلسرين أو أي كريم خاص للقدمين)


أولا قبل أي حمام اغسلي القدمين كويس ودلكيهم بالحجر مش كتير مدة الغسل بالصابون بس

وممكن التدليك يكون بفرشاه خاصة برضه

ويفضل التدليك بالحجر أثناء الحمام بس خدي بالك مش جامد

لأن الماء الدافئ مش بيحسسك لو انتي جرحتي نفسك مش هتعرفي غير لما تخلصيه
وتكتشفي انك دلكتي أكتر من اللازم
فخدي بالك كويس الحمام ممكن يكون ربع ساعة أو نص
بالكتير أوي لو حالة القدمين سيئة ساعة ماتزوديش عنها
وماتدلكيش كتير او جامد حركات دائرية في القدم ومش لازم تدلكي بإيدك ممكن تخللي الحجر في الماء
وتدلكي القدمين فيه


وممكن كمان تدلكي بالليفة الخاصة مش شرط حجر


وهنشوف الحمام بيكون ازاي دلوقتي



أولا حمام الملح


الحمام ده بيكون ماء دافئ مضاف إليه ملح خشن
بيكون عشان صنفرة القدمين والتخلص من الجلد الميت

وفي نفس الوقت عشان لو فيه زي أكياس ميا في جلد القدم

الملح بيقوم بتجفيف هذه الأكياس ويعمل على علاجها بصورة أسرع


ثانيا حمام الليمون


برضه ماء دافئ ويضاف إليه عصير ليمون
بمعنى انك تجيبي الليمون تعصريه فوق الماء

الحمام ده بيفيد الأظافر جدا ويعمل على تنعيم بشرة القدمين والعمل على تبييضها وإعطائها لون واحد

وده عن تجربة بجد راائع بعد اسبوع واحد هتلاقي شكل الأظافر والقدمين في منتهى الروعة



ثالثا حمام النعناع أو عشب النعناع الجاف


وده بجد رااائع في نعومة القدمين ومجرباه برضه بنفسي

وهتلاقي النتيجة من أول مرة جميلة جدااااا

بتغلي النعناع في ماء وتضيفيه على الحمام بتاعك بحيث يكون الحمام دافي يعني
وطبعا بتصفيه قبل ما تضيفيه

وبعدين تدلكي القدمين في الحمام ده لمدة ربع ساعة أو أكتر زي ما تحبي

وزي ماقلت المدة فوق شكلها ايه

وبعد كده تشطفي القدمين وتجففيهم كويس وده برضه بيكون بعد كل حمام مش معتمد على نوعه



رابعا حمام الخل


أولا عايزة أقول ان أحماض الفاكهة بشكل عام بتدي نتيجة حلوة أوي في حمام القدمين

زي الليمون أو البرتقال

أما حمام الخل فهو بخل التفاح

وبجد فوايد خل التفاح رائعة من أول انه بيعمل على إزالة الجلد الميت بسهولة
إلى إنه كمان بيكون مضاد قوي جدا للبكتريا والفطريات

وبالتالي الحمام ده بيكون مفيد جدا جدا للأقدام المشققة وفيها جلد ميت كتير
أو بتعاني من الفطريات

وده طريقته انك بتحطي معلقة كبيرة من الخل في ماء مغلي مع عشب الأنجرة
وتغطي عليه بس عشان يتجانسوا مع الماء ومع بعض
وتضيفيه للحمام بتاعك


أنا جربته بس من غير العشب ده

بس برضه نتيجته رااائعة



احنا وصلنا لرقم كام؟
آه



خامسا

V
V
V



حمام الزيوت العطرية



وده له حكاية تانية خالص

برضه له أنواع وبتعتمد على سبب الاستخدام


لتخفيف تورم القدمين
يضاف إلى ماء الحمام:

- 7 نقاط من زيت البابونج
- 3 نقاط من زيت الريحان
- 6 نقاط من زيت اللافندر
- 6 نقاط من زيت الجرانيوم

لتسكين آلام القدمين
يضاف الآتي:


- 4 نقاط من زيت الحصالبان
- 3 نقاط من زيت البابونج
- نقطتان من زيت الزعتر


للتخلص من خشونة جلد القدمين وتقوية الأظافر
يضاف الآتي:


- فنجان من منقوع البابونج (يحضر المنقوع بإضافة ملعقتين كبيرتين من زهرة البابونج إلى فنجان ماء مغلي، ويترك العشب لينقع لمدة 15 دقيقة).

- 6 نقاط من زيت اللافندر.
- 6 نقاط من زيت الجرانيوم.



لمقاومة زيادة عرق القدمين

يضاف الآتي :

- 6 نقاط من زيت الصنوبر.
- ملعقة كبيرة من عشب بندق الساحرة.



الرجوع الى أعلى الصفحة اذهب الى الأسفل
emy
امبراطورة المنتدى
امبراطورة المنتدى
emy

عدد الرسائل : 3623
العمر : 33
تاريخ التسجيل : 12/05/2007

{* & * ملــ Romanza ــف الكااامل للعنايــ بالــقــدمــين Empty
مُساهمةموضوع: رد: {* & * ملــ Romanza ــف الكااامل للعنايــ بالــقــدمــين   {* & * ملــ Romanza ــف الكااامل للعنايــ بالــقــدمــين Emptyالثلاثاء ديسمبر 04, 2007 9:00 pm

خلاص يا جماعة خلصنا حمامات القدم؟؟

أوكي بعد ماتخلصي لو لقيتي جلد ميت على القدمين
استخدمي المبرد الخاص بالقدم للتخلص منها أو الورق الرملي
وده بيكون سهل بعد الحمام لأن الجلد بيكون ناعم

وبرضه خدي بالك مش جامد عشان ماتجرحيش نفسك



نيجي بعد كده بقى لتدليك القدم


يمكنك أن تدلكي أقدامك بنفسك دون مساعده الغير ..


1- إجلسي براحه ودلكي كل قدم وحدها
أديري قدمك حول الكاحل باتجاه عقارب الساعة
ثم بالعكس حركي القدم إلى أعلى ثم إلى أسفل
ولفي أصابع قدمك بشده ثم أرخيها ..

2- ضعي لوسيون على كف كل يد
ثم امسكي قدمك بيديك الاثنتين دلكي اللوسيون حولها بما فيها بين الأصابع
دلكي الجلد المحيط بالأظافر وأديري كل إصبع وحده ودلكيه ..

3-إمسكي كاحلك ودلكي بقوه باتجاه اسفل القدم ..

4-إضغطي قوس القدم وجانبه وهو ما يساعد على إراحه القدم المتعبة المؤلمة ..
لتسكين الآلام وتجميل القدمين
دلكي بهذه المكونات
ـ 6 نقط زيت قرنفل.
ـ 5 ملاعق كبيرة زيت سمسم.
التحضير والاستعمال :
تخلط المكونات جيداً ، ويستخدم الخليط الناتج في دهان جلد القدمين.


وأخيرا بعض النصائح الإضافية الخاصة بالقدمين

هل تعانين من الصداع؟
اتبعي نصيحه اختصاصي الانعكاسات اللاإراديه
واضغطي برفق على الجزء الكثير اللحم في الاصبع الكبير
في القدم وصولاً الى طرفه للتخلص من الصداع.


للحفاظ على صحه الاظافر،
تناولي الاطعمه المحتويه على الزنك والحديد والاحماض الدهنيه الاساسيه.


عاملي بشره قدميك بعنايه تماما مثل بشره وجهك وشعرك لكي تبدو بصحه افضل.


هل تعانين من مسامير الاقدام والجلد المتصلب؟
عليك زياره اختصاصي القدمين.


اذا لاحظت وجود ضلوع في اظافر اصابع قدميك،
اختاري لوناً باهتاً وفاتحاً من طلاء الاظافر لكي تبدو ناعمه جداً.


اذا كانت اظافر اصابع قدميك سميكه وبشعه، راجعي الطبيب لانها قد تكشف عن مشكله صحيه كامنه
وبتكون غالبا ناتجة عن انتشار الفطريات وتطورها.


لمعالجه القدمين بصوره فوريه دلكيهما بالفازلين الممزوج مع زيت شجره الشاي العطري.


انتبهي الى قدميّ أمك،
فالأظافر الجيده أو السيئه موروثه عاده من الأهل.


يمكن القول إن القدمين المفتقدتين إلى العنايه تلفتان النظر أكثر من أي شيء آخر.


لا يجدر بك أبداً قص البشرة الميتة المحيطة بالأظافر.


يكشف الحذاء المثالي للقدم عن فراغ قدره 6 ملم على الأقل
في الجهتين الأماميه والخلفيه، فضلا عن مساحه لتحريك أصابع القدمين.


للوقاية من رائحه القدمين،
رشي بكربونات الصوديوم داخل الحذاء.


لا تستعملي المبرد المعدني لأنه قاس جداً على الاظافر.


لوني اصابع قدميك بالالوان التي لا تجرؤين ابدا على استعمالها في اصابع يديك.


اذا اردت استعمال مستحضر يجعل البشره سمراء اللون (برونزاج مثلا) لا تتوقفي عند كاحليك بل ضعي المستحضر فوق اعلى القدم وصولا الى الاصابع.


اذا كنت لا تملكين الوقت لتلوين اظافر اصابعك استعملي مبرد الاظافر لجعلها ناعمه ولامعه ومن ثم زيت الاظافر.


للحؤول دون تعرض الاظافر الجافه لمزيد من الجفاف اختاري طلاء اساسي له قوام دبق حتى يلتصق به الطلاء الملون.


استعملي زيت الاظافر لإبقاء البشره الميته المحيطه بالاظافر ناعمه وطرية.
زيت الخروع يا جمااعة رااائع للأظافر


يجب ان تحتوي علبه العنايه بالاظافر على مبرد طبيعي للأظافر
( على ان يتراوح رقمه بين 1 و 8 علماً انه كلما ارتفع الرقم اصبح المبرد اكثر نعومه).



استعملي ضمادات الاظافر لترميم التشققات والاظافرالممزقه.




لإزاله طلاء الاظافر بأفضل طريقه ممكنه
بللي كره قطنيه بمزيل الطلاء الخالي من الأسيتون واتركيها على الظفر برهة حتى يتغلغل مزيل الطلاء ثم امسحي من القاعده وصولاً الى طرف الظفر.


إذا كنتي تزورين إحدى مراكز التجميل
تأكدي من ان اختصاصيه العنايه بالقدمين تنقع ادواتها في مستحضر قاتل للجراثيم
او ترش عليها الرذاذ المضاد للجراثيم.


تم بحمد الله

علاج فطريات القدم والناتجة عن العرق
أو ارتداء الحذاء لمدة طويلة

هناك بعض الوصفات يتم اتباعها للتخلص من هذه الفطريات

وهي كالآتي



- يدهن عصير الثوم الطازج على المكان المصاب.

- تضاف 15-20 دقيقة من زيت شجرة الشاى إلى إناء ملئ بالماء الدافئ,
وتغمس القدم فيه لمدة 15 دقيقة من مرتين إلى ثلاث مرات ثم تجفف جيداً.

- يدهن المكان المصاب مباشرة بزيت شجرة الشاي مرتين في اليوم.

- تخلط 5 قطرات من زيت شجرة الشاي
مع 115 مليلتر من عصير (ALOEVERA) في عبوة إسبراي مع رجها جيداً
حتى تمام الامتزاج ثم ترش بها المنطقة المصابة مرتين في اليوم
ثم اتركها تجف مع العلم بأن ALOEVERA يسبب الهرش.

- الاستمرار في العلاج حتى بعد ظهور تحسن في الأعراض
لضمان اختفاء الفطريات والقضاء عليها كلية.

- المداومة على النصائح بأكملها
للابتعاد عن الإصابة بأية فطريات ..
مع تنظيف القدم وتجفيفها جيداً من الماء
وخاصة بين الأصابع بمجفف الشعر أو بودرة القدم أو بودرة الحذاء المضادة للفطريات.
- ارتداء جوارب قطنية مع تغييرها يومياً.



طبعا مش هنعمل كل الوصفات دي مرة واحدة

اختاري منهم ما يناسبك

وتذكري أن حمام الخل يساعد على التخلص من الفطريات

كما يمكنك تدليك القدم بالليمون فقط مع تدليك الأظافر به أيضا
ولكن احذري أن تدلكي به وهنا جرح في القدم فسوف يؤلمك بشدة

مرضى السكر لابد لهم من عناية خاصة بأقدامهم

وهناك طرق خاصة للعناية بالقدم السكرية وهي:


1-تنظيم مستوى السكر.
2-غسل القدم بالماء الدافئ.
3-تجفيف القدمين، خصوصاً فيما بين الأصابع لمنع تكون الالتهابات الفطرية.
4-تجنب الحذاء العالي.
5-استخدام كريم لمنع تشقق الجلد.
6-فحص القدم يوميًا للتأكد من سلامتها.
7-يجب على المريض تجنب المشي حافيًا،
ولابد من ارتداء جوارب قطنية، وحذاء مريح.
8-قص الأظافر.
9-إزالة مسمار القدم.
10-رفع القدمين عند الجلوس.
11-المحافظة على الفحوص الدورية عند الطبيب.
الرجوع الى أعلى الصفحة اذهب الى الأسفل
 
{* & * ملــ Romanza ــف الكااامل للعنايــ بالــقــدمــين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
zorro :: منتديات حواء :: قسم النصائح المهمة لجمالك سيدتى-
انتقل الى: