مبررات

موضوع: رد: مبررات الخميس مايو 31, 2007 3:19 pm

يا مان

طيب لية اللعيبة ما لعبتش

قوللى مبرر واحد

غير التعب

ما اسمنت السويس والتليفونات

لعبو دورى كبير

وكملوا بالعيبة الاساسية

بس دى حجج

وهروووووووووووووووووووووووووووووووووووب

موضوع: رد: مبررات الأربعاء مايو 30, 2007 6:31 pm

يا مان انتو لعبتو بكامل عتادكو واحنا كنا مريحين خلاص الحدوتة خلصت العروسة للعريس والجرى للمتاعيس مخدنا الدورى خلاص وريحنا لعبتنا وارتحنا واحتفلنا قبل ميخلص الدورى

احنا بنطبق فكر عالمى علشان نستعد لبطولة تانية انا منكرش انكم مستواكم زاد جامد بس لو كنتم لقيتم لعيبة الأهلى الأساسين كان هيبقى فى فارق كبير قوى علشان مهما عليتو بيبقى فاضل الروح احنا كنا عوزين الأهلى يتغلب علشان لما يرجع العيبة تاكل النجيلة من كتر الغيرة وابقو ورونا هتاخدو الكاس ازاى

موضوع: مبررات الإثنين مايو 28, 2007 11:40 pm

اريد ان اغازلكم ببعض المانشيتات الخاصة بالمواقع والصحف يوم مباراة الاهلى و الزمالك!!!

فى حالة فوز الزمالك:

*على برنامج"الكرة مع دريم"..الزمالك يفوز على بدلاء الاهلى!!
*كابتن طه اسماعيل.."الاهلى كان يعانى من الاجهاد".. تصريح مسبق فى حالة هزيمة الاهلى فى اى مباراة حتى لو لعب بالبدلاء..وكمالة التصريح"والزمالك يحتاج لتخطيط شامل"..حتى لو قدم مباراة العمر!!
*خالد طلعت"الزمالك لايفوز على الاهلى سوى بالبدلاء".."الاهلى يدفع ثمن التخبط".."الزمالك لايفلح الا عندما يجد نفسه امام احتياطى الاهلى"
*مشجع اهلاوى فى قهوة بلدى"الاهلى فى اليابان يا كابتن شوبير..بنحبك يا كابتن شوبير"..حتى لو البرنامج على المحور ويقدمه مصطفى عبده!!
*مشجع اهلاوى فى كافيه نضيف"برافو ..مابيفوزوش الا لما نريح لعيبتنا".."هو ده اخركم"!!
*مشجع زمالكاوى"ده اول الطريق..وحناخد كل البطولات"..تصريح لمجرد الفوز بمباراة.
*جوزيه من البرتغال"مش مشكلة شوية صيع يفوزوا علينا..الدور على اوغاد الاسماعيلية"..مع تحيات ترجمة احمد عبده..مترجم النادى الاهلى.
*لاعبى الاهلى"احنا زعلانين من ان الجماهير ماشية زعلانة..بس ده بسبب الاجهاد..انا يا كابتن ماشوفتش مارينا من 3 سنين"..ملحوظة:مارينا ده بنته!!
*عمرو زكى"بهدى الفوز لجماهير ساوثامبتون قبل ما اجيها ب 5 مليون استرلينى"
*جميع لاعبى الزمالك"فيه روح جديده..احنا كل يوم بنصلى العشاء حاضر"
*هنرى ميشيل"عودة البطولات الموسم القادم"
*حسام البدرى" الحقيقة مش عارف اقول ايه عن التحكيم..وبرضك مش عارف ليه جماهير الزمالك بتشتمنى"..تصريح حتى لو الجماهير ما شتمتوش.
*الاهرام المسائى"مجلس ادارة الريموت كنترول يقرر صرف معونه عاجلة بسبب الفوز"
*الصحافة..الاهلى المجهد والاحتياطى..والناشئين والبدلاء الاحياء منهم والاموات يخسر من الزمالك!!
*مواقع الاهلى الاليكترونية..بدلاء و ناشئى الاهلى..ومبادىء حقوق الانسان الاهلاوية لاراحة اللاعبين تخسر من الزمالك بكل لاعبيه..حمل مباراة الستة واحد!!!
*الشريط الجهنمى السفلى لقناتى دريم والمحور.."الزمالك التعبان بيفوز على اهلى اليابان"..سعيد المفش-مركز شباب البركة-جرجا-كوم ابو القفص.."الاهلى فوت الماتش..ليه..عشان يساند الزمالك اللى اتغلب من الفيصلى"..مسعد الجن-امبابة.."يا اهلاوية يا تعبانين..اتفرجوا على شيكابالا" رفعت سيد احمد..الحوامدية.."هو ده اخركم يا زمالكاوية..تفوزا على بدلاء الاهلى..و9 على بنى سويف" بيتر مايكل- مركز ابو شقاف- شربين قبلى!!

فى حالة فوز الاهلى:

*على برنامج"الكرة مع دريم"..بدلاء الاهلى يفوزوا على نجوم الزمالك..مفيش فايدة!!
*كابتن طه اسماعيل.."الاهلى ورغم كل الغيابات..قدر يحافظ على روح الفانلة الحمرا..وقدر بفضل توجيهات جوزيه من البرتغال يحقق نتيجة تثبت انه بطل..وبيلعب باى 11 لاعب!!
*خالد طلعت"زى ما توقعت..الاهلى حياخد الدورى".."الزمالك افتكر نفسه حيفوز على الاهلى".. "الاهلى هو الاصل..وتحذير لبشير التابعى من العودة لمصر"!!
*مشجع اهلاوى فى قهوة بلدى"الاهلى هو الاهلى..وصالح سليم فى قلوبنا..بنحبك يا كابتن شوبير"..المرة ده فى برنامج شوبير..وتنتقل الكاميرات ونجد بسمة شوبير وقد خرج فمه من وجهه!!
*مشجع اهلاوى فى كافيه نضيف"صعبان عليه الزمالكاوية".."الاهلى فوق الجميع"!!
*مشجع زمالكاوى"معلش بس لعبنا حلو النهاردة".
*جوزيه من البرتغال"هما الصيع دول مش حيفوزا علينا ابدا..الاسماعيلاوية يخبوا عيالهم"..مع تحيات ترجمة احمد عبده..مترجم النادى الاهلى.
*لاعبى الاهلى"الف مبروك..واى 11 لاعب يا كابتن يقدروا يحققوا تاريخ للاهلى"
*عمرو زكى"النهاردة جيه فاكس من مانشيستر.. بس الزمالك قفل الفاكس فى وشهم"
*جميع لاعبى الزمالك"فيه لعيبة حرام يلعبوا فى الزمالك"..المشكلة التصريح بيبقى على لسان 25 لاعب..مش عارف..هو مين بقى اللى بيقصدوه
*هنرى ميشيل"عودة البطولات الموسم القادم"
*حسام البدرى" انا صرحت..انا خططت..انا جامد..انا حلو اوى..مش عارف ليه جماهير الزمالك بتشتم".
*الاهرام المسائى"مجلس ادارة الريموت كنترول يعاقب لاعبى الزمالك بخصم 250 جنيه!!"
*الصحافة..الاهلى المجهد والاحتياطى..والناشئين والبدلاء الاحياء منهم والاموات يفوز على الزمالك!!
*مواقع الاهلى الاليكترونية..بدلاء و ناشئى الاهلى..ومبادىء حقوق الانسان الاهلاوية لاراحة اللاعبين تفوز على الزمالك بكل لاعبيه وده اقل واجب.. وبرضك حمل مباراة الستة واحد!!!

اخيرا..اسف فى الاطالة..جماهير الاهلى الشقيقة..نوفر عليكم ردودكم الجميلة بعد المباراة..ونشكركم على رحب السعة..وسعة صدركم..ونتمنى لكم مبررات سعيدة بإذن الله!!

ملحوظة:اكره تماما لغة الحوار بين الجماهير ان تنتقل الى صفحات المواقع الرئيسية..ولكن نظرا لهذه الحالة الخاصة والنادرة..فليحيا منتديات الجماهير!!