موبيلك بيمثلك ايه ؟؟؟؟؟؟؟

موبايلك بيمثلك ايه؟؟؟؟
موبايلك مش مجرد موبايل وجهاز في ايدك بتقول فيه الو..

انا هتكلم عن الكثير من ناس انا شفتهم بعيني...وانا شخصياً منهم

بتصحى اول حاجه تعملها تبص لموبايلك

تشوف مين رنلك ومين عبرك...او حتى تبص في الساعه اللي فيه

واكيد الموبايل بيكون جمبك على السرير...او على الكومدينو اللي جمب السرير

بتنزل عشان وراك معاد..يفضل الشخص اللي انت مديلو المعاد يرن

وانت تتنطط وترنلو كأنك بتقوله حاضر انا جاي اهو

لو حد بتحبو...لما يوصل يرنلك مرتين

وقبل ماينام يرنلك مرتين

الرن ده اشارات انتوا فاهمينها

ولو رقم غريب اتصل بيك وانت ماكنتش جمب الموبايل

لما تشوفه....تتجنن وتقول مين ده !!...وتفضل حاطط الموبايل جمبك يمكن يتصل تاني

لو حد وحشك...ترنله...ودي بتكون كفايا

لو زعلان من حد..وبعتلك ماسيدج...هتجنن من الفرحه

ولو اتصل...تفضل تبوس في الموبايل وتحضنه

ومكالمات بليل بقى...وماادراك مامكالمات بليل

بنموت على الموبايل...وبعدها نفضل متنحين والموبايل في ادينا مش قادرين نسيبه

ويوم مايخلص رصيدك

تحس ان الموبايل مات

لو نزلت يوم ونسيته...تحس ناقصك كتييير

ومش بعيد ترجع عشان تجيبه

واكيد بتحب جهازك اوي...ولو ضاع هتدايق

هتجيب واحد جديد...بس بردو انت بقيت بتحب عدتك واتعلقت بيها

وفيه ناس كتير مش بتحب تغير خطوطها -

لانه معاها من زمان وبيعنيلها الكثير

وفي العيد والمناسبات هتلاقي ماسيدجات كتير

وبتاخد بالك مين بيبعتلك وفاكرك ومين لأ

ويوم عيد ميلادك...اكيد ناس كتير هيبعتولك ماسيدجات

وهتفضل محتفظ بيها في الانبوكس

وكل ماتزهق...تلاقي الموبايل جمبك..يسليك وتلعب فيه

او تفضل بالساعات تصور نفسك صوره عبيطه وتمسحها كلها في الآخر

الموبايل مش مجرد موبايل لكتير مننا...الموبايل ده بقى بيمثلنا حاجات كتير اوي في حياتنا

وانت...موبايلك بيمثلك ايه.......؟؟؟؟

وعايزين نعرف اجمل مسج جاتلك منين وامتى وكانت ايه؟؟؟

انا بعمل كل الكلام دة هههههههه بجد مواضيعك ياايمى ممتازة جدا

واخر مسج جالى من واحدة صحبتى

nic topic emy

زائر

جميل موضوعك ايمي وهبقي اكتبلك اجمل ماسج عندي اما من مين ده خاص بيا

زائر

حاول ان تمسك حبات المطر فما امسكت فهو حبك انت لي انا

وما سقط فهو حبي انا لك انت